Velkommen til Stord sogelag
Stord Sogelag er eit historielag som arbeider for å bevare og formidle kulturarven på Stord gjennom spanande forteljingar og aktivitetar., med fokus på den lokale historia med både tekst og bilder, samt rusleturar i nærmiljøet
Stord sogelag har til formål å vekkje og nøre opp under interessa for slekt, soge, folkeminne, segner og tradisjonsstoff, og å ta vare på dette ved å få det nedskrive. Sogelaget gjev ut eit årleg sogehefte.
Stord sogelag
Å R E T S S I S T E R U S L E T U R
H O R N E L A N D
M Å N D A G 21. SEPTEMBER 2026 kl 17.00
Parkering ved HORNELAND BEDEHUS (Hornelandsvegen 91)
Horneland har gardsnummer 46 i Stord kommune. Frammøtte tilhøyrarar vil få vita kva denne opprinneleg største garden i kommunen har å by på av lokal historie, frå tidlegaste tider til dagens tilstand. Både Kårevik, Byrkjeland, Hatland, Hornelandsvågen og Grindevik høyrde til Horneland fram til 1677, då første av desse vart skild frå.
Som andre gardar har Horneland også si spesielle soga om eigarar og eigarskifte, om folk og hendingar, om auksjonar og gravrøyser, og om driftige tilflyttarar. Og høyr: Horneland har ei særs spesiell soge: Heksebrenning. Den fann stad der i 1650. Kva hadde Ingeborg Olsdotter gjort sidan ho måtte bøta med livet? Det vil du få svar på.
Kor elles enn på Horneland kan me finna ein vognfabrikk? Driftige karar drog i gang denne tidleg på 1920-talet, med hestekjerrer som hovudprodukt. Fram til 1950 var bondestanden hovudkunde. Fabrikken forsvann ut av tida tidleg på 2000-talet.
På Horneland kom første bedehuset i Utbygda, klar til bruk i 1916. 50 år seinare kom det noverande bedehuset. Utdrag frå bedehussoga vil bli fortalt, bl.a. om barnekoret som song for kongen i 2001. Elles får me høyra om musa i kornåkeren, Stords første rundkjøring, båtfabrikken i Hornelandsvågen, «utvandrarar» frå Horneland med kolonialbutikk på Tveita og teppesal på Vikjo, tømrahuset med vid utskjering for likkister. Og om hubroen som varsla elende.
Rusleturen vert avslutta på Horneland bedehus, som vanleg med te/kaffi og noko å bita i.
Velkomne til alle. Høve til friviljug Vipps til Stord sogelag nr 633445
Styret i Stord sogelag
Aktuelt frå sogelaget
