Rusletur på Jensanes i Sagvåg, tysdag 20.mai,kl.18,00
JENSANESET OG DER OMKRING
Sogelaget lokkar folket til RUSLETUR på JENSANESET i Sagvåg tysdag 20. mai kl 18.00
Området har ei ualminneleg rik soge, særskilt knytta til sjønære tiltak og verksemder. Kunnige Rune Jørgensen vil fortelja om fortid – notid – framtid. Frå den første «industrielle» oppstarten på 1500-talet, innerst i osen frå Storavatnet, via tallause tidsrelaterte, no historiske, verksemder innan bl.a. båtbyggjing og tømmerbruk til noverande, ymsande bruk, både museale og innovative.
Frå kaien tilhøyrande Ottesen Skipsbyggeri vil me kunna sjå og høyra om heile dette området, frå elvemunninga innerst til utløpet mot Stokksundet. Umåteleg spanande og variert soge om driftige og vågale arbeidsfolk, alle med sine opp- og nedturar. Sjølvsagt med hermer og skrøner om markante skapningar. Alltid noko nytt å få med seg frå Jensaneset!
Frammøte på kaien til Ottesen Skipsbyggeri, (Jensanesvegen 157) innan kl 18.00 tysdag 20. mai. Parkering etter tilvising på området. Lett servering. Velkommen til sogelagsmedlemmer og andre interesserte.