Stord sogelag i samspel med andre lag
Samspelet
Stord sogelag har sitt spelerom mellom Sunnhordland museum på den eine sida og på den andre sida lokale museum og bygdelag på
Stord som t.d. Venelaget for Litlabø gruver, Omnshuset på Huglo, Huglo bygdelag, Sagvåg bygdalag, Verven på Jensaneset, Stord maritime museum, Venelaget for parken, Kværners industrimuseum Stord. Stord sogelag og Sunnhordland museum har minst ei felles tilskiping kvart år.
Elles har me tematiske rusleturar på ulike stader i kommunen og på øya, ofte i samarbeid med dei lokale museumsinstitusjonane eller bygdelaga.
Kvart år har me ein medlemstur til ulike kulturminne også i andre kommunar. Me har ma. vore på medlemstur til Fitjarøyane, Gamle Bergen, Solstråleøya på Tysnes, Romsa i Vindafjord. Dessutan følgjer me opp kulturminnedagar.
Årleg gjev me ut eit årsskrift med stor tematisk spennvidde, frå grundige historiske artiklar til meir personlege livsminne.